La compègnie Astour a côme mission de montrer haot le Payiz de Rene e la Bertègn. Sés concrayeries velent yètr d’astoure e ben alantes o le pouéz de la Bertègn parai. La compègnie punje den la tradicion assourfin de perpozer dés creyézons vioches tournées devers l’aveni.

• Entréz den le souéton e vivéz l’amour de la danse, la senerie, l-s erterouées entr-lés-qhultures e la creyézon a tirer den la qhulture bertonne.
• Arouteries toutes lés semeines és Venderdis ao Qart meins de 8 o ao sair o le souéton de danse e senerie.
• Eune arouterie châqe maez sur lés darains.

• En enrai de sézon, n-i a 3 arouteries ouvërtes a tertous pour fômer le jeu, e vantiés n-n avair du pllezi !
• Astour perpoze de la chanterie etout, d-s idées a mener (veyaijes, sercherie su l-s abis de sène, teqniqe feu-e-tonaire) e d’aotr qe vous pouréz prendr part a yeus.

• Astour perpoze eune berouée d’amuzerie/riguedao den lés cafës menées par lés souétous de la compègnie. Lés contous e sonous du monde d’Astour sont benvenus.
• Astour veût terjous avair dés berouées d’eterouées e de partaije o du monde nouviaos : lés riguedaos mouvants en vile, dés pormenées chantées, dés fricots en amuzerie e dés sairées a témes !