N-i a berchôze de fezeries perpozées a aider la concrayerie aoprés dés souétou·ouère·s, artists de pllezi ou de metier :
- Le Cercl concraye dés ensembls de sonous e yeus parleve, yeus met a soner en amarant e en menant dés coteries, d-s amuzeries, dés riguedaos…
- Long l’anée, dés sairées d’echanje entr lés boutiqes dés ourées : sairées de drao, sairées Bodadeg, sairées crepes, sairées d’ertour qi mettent le monde a s’erterouer, dés berouées pour soner, danser e concrayer de domë.
- A complleter sa perpozézon pedagojiqe, le Cercl mene d-s estaijes de danse, senerie, chanterie, broderie… (liës és erterouées Sevenadur)
- Dés riguedaos e dés seneries sont menées long l’anée ao Cercl.
- En coterie o d’aotrs souétes, le Cercl Celtiqe de Rene perpoze a sés souétou·ouère·s dés vairies e d-s espectacls o dés coûtaijes amenuzës (TNB, Montrerie de Bertègn, Orqestr Sinfoniqe de Bertègn …)
- Sans oubelier l-s erterouées entr-lés-qhultures Sevenadur q’ous pouréz reterouer su la paije féte pour.
Arouteries – Receperie d-s artists
Le Cercl Celtiqe debare sés portes és jieunes formézons de sonous e és siens q’ont pus fot de qenessances etout.
Lés souétou·ouère·s ont mouayen d’aler den 4 pieces a târvailler d’o lous muziqes ou s’arouter o lés maintieunes formézons du Cercl Celtiqe de Rene.
Du Leundi ao Venderdi, gardéz eune pllace ao 02 99 54 36 45.
Point ghère d’arouteries ao Mârdi ao matin e en sairée.
L’erceperie d’artists pour dés « rezidences »
La souéte debare sés portes a berchôze d’artists pour dés rezidences longues ou ben point ou pour preter eune piece a lou bada.