Le Cercl Celtiqe de Rene ét vrae haitë par la formézon e l’agegnement dés perchains actous de la qhulture bertonne, c’ét qhi caoze qe la souéte acompègne l’amarerie e la menerie de l’idée Pâss’Breizh.
Pâss’Breizh ét eun féterie point coûtante menée pour lés poussou·ouére·s, ça q’a devocion a parlever la qhulture bertonne e l-s aotrs qhultures de tradicion aoprés dés jieunes. Orinë de l’eriverie Fest’n Breizh, il agueroue eun souéton de menou·ouère·s poussou·ouère·s venant de souétes de poussou·ouère·s de Rene : Grain de Sel, Kejadenn e l’ASCREB.
Le nom « Pâss’Breizh » a deûz mots deden : « Pâssaije/pâsser » en galo e « Breizh » qi veût di Bertègn en berton. Le nom-la montere ben qe n-i a puzieur parlements en Bertègn e qe lés deûz sont ben empllayës, e la garerie qhulturale bertonne. La féterie-la a devocion de montrer eune qhulture bertonne vioche, qi s’anouviaoze e qi demeure abordante a tertous. L’eriverie-la ét eun endret d’erterouée d’o lés qhultures de tradicion perzentes den le payiz e lés maintieunes fezeries d’art.
Laféterie-la ét l’ariva pour lés jieunes d’aqenêutr la qhulture bertonne par eune aotr meniere de vair grace a dés montreries, dés pourmeneries e eune sairée menée den la carrée dés ND4J.
La permiere fai de Pâss’Breizh sera menée entr le 30 Mâr ao 2 d’Avril 2021.
Si vous voulez participer : contact@cercleceltiquederennes.org
Beniere féte par Nolwenn Bauvais