Ar brezhoneg, petra eo ? – Le berton, qhi qe c’ét ?
Le berton ét le parlement pus fot caozë den la Bertègn su Galèrne qe je pouvous oui su Soulère etout raport q’il ét perzent den lés viles (o l-s echanjes de machanderie, le târvail dés souétes e la concrayerie d’ecoles deûlangaijieres ou en ensevaije, l’arivée dés berzonous…). C’ét etout le soul parlement celtiqe a yètr core prechë su le continent d’Urope.
Pour s’enghimenter raport a l’Istouère du berton, j’ous perions a aler vair l’empllâ de teile de l’Office Publique de la Langue Bretonne, q’ergroupe berchôze de cai su le parlement meins etout dés ghiments raport ao târvail en berton e és formézons.
Deskiñ brezhoneg – Aprindr le berton
En pus dés pâssées perpozées ao Cercl Celtiqe de Rene, j’ous perions a aler vair le cai qe je pouvons terouer su la teile, lés videyos courtes a Lionnel Buannic terjous, “brezhoneg bemdez” perzentées par Brezhoweb :
Vous teroueréz etout su l’empllâ de l’ergroupement d’ensègnement du berton ao monde venûs Deskiñ d’an Oadourien berchôze d’aroutineries assourfin d’afini vôtr savancetë dés mots e de la gramére :
