Cai su le galo

Le galo, cai qe c’ét ti ?

Le galo ét le parlement roman q’ét caozë den la Bertègn su soulère. Vene-la dessour qhëq videyos assourfin d’espliqer cai qe c’ét, perpozées d’o France 3 Bertègn.

N-i a etout su l’empllâ de teile de de Bretagne Culture et Diversité berchôze de cai a vair. Enmis tout le cai-la, n-i a eun articl ao sujit du galo :

N-i a su le galo, parai côme su l-s aotrs parlements minorisës, beleben de faosse-idées qi empôzent q’i seje caozë ou q’i s’ebluce. L’empllâ de teile de la Souéte és Ensègnous en Galo ben dés rézons assourfin de toli lés faosse-idées-la :

Si qe vous veléz avair pus fot de ghimentements raport ao galo, j’ous perions a haoper l’Institut du Galo :

Aprendr le galo

En pus dés pâssées perpozées d’o le Cercl Celtiqe de Rene, j’ous perions a aler vair le cai qe je pouvons terouer su la teile, côme lés pâssées en videyo perzentées o l’Institut du Galo :

Le Canepin de Galo perpozë o Galoromaen, etout, rassère berchôze de menieres de di, de cai caozer o eun bon livè de parlement su dés sujits du tous-lés-jous :

N-i a su l’empllâ de l’Academiy du Galo ben de cai (motier, articls, pâssées de galo) qe j’ous perions a aqenetr. Su l’empllâ-la, nan teroue etout eun conjugou de verbes en galo :

Cai pour lés ecoles e lés qeniaos

N-i a eun nombr point creyabl de cai pour l-s ecoles en galo q’a të minz o la souéte Dihun Breizh su lou-z empllâ de teile. En-mi, n-i a dés tèrs, dés fiches su dés sujits, dés videyos… J’ous perions a aler vair eun petit :

L’Institut du Galo i bannit etout en rai Chinchon, eune petite gazète o dés jeus pour lés qeniaos :

A mettr du galo den l-s orais és qeniaos, n-i a lés déssins émouvës i peuvent yètr eune bône meniere de fère. Vela l’istouére a Miston le petit chutiao, perpozée d’o Galoromaen :

D’aotr cai

L’empllâ de teile de Chubri i rassère etout beleben de cai su le parlement.

Le Cercl Celtiqe de Rene, côme l’Institut du Galo e la Rejion Bertègn i font d’o la meniere d’ecri qe je nômons “ABCD” raport és siens qi la concrayitent (Régis Aofrae, Andre Bienvenu, Andre Le Coq e Patrice Deriano). Vene-la dessour, a telecharjier, eune espliqe de côment qe nan l’empllaye :